ህገ-መንግስቱ እየተመዘገበ ላለው ፈጣን እድገት ከፍተኛ አስተዋጽኦ እያበረከተ ነው-አቶ መሃሙዳ አህመድ

05 Dec 2014
78 times

አዲስ አበ ህዳር 25/2006 ህገ-መንግስቱ የብሄር ብሄረሰቦችና ህዝቦች የሰላምና የዴሞክራሲ ጥያቄ በመመለስ እየተመዘገበ ላለው ፈጣን እድገት ከፍተኛ አስተዋፅኦ እያበረከተ መሆኑን የሳይንስና ቴክኖሎጂ ሚኒስትር ዴኤታ አቶ መሃሙዳ አህመድ ገለጹ።

የሚኒስቴሩ ሰራተኞች"በህገ-መንግስታችን የደመቀ ኢትዮጵያዊነታችን ለህዳሴያችን" በሚል መሪ ቃል 9ኛውን የብሄር ብሄረሰቦችና ህዝቦች በዓል አክብረዋል።

በበዓሉ ላይ በህገ-መንግስቱ ዙሪያ የግንዛቤ ማስጨበጫ ጽሁፍ የቀረበ ሲሆን ለሁለተኛ ጊዜ ቦንድ ለገዙ የተቋሙ ሰራተኞች የቦንድ ሰርተፊኬት ተሰጥቷቸዋል።

በበዓሉ ላይ የተገኙት ሚኒስትር ድኤታው  አቶ መሃሙዳ አህመድ እንደገለጹት ህገ-መንግስቱ  የብሄር ብሄረሰቦችና ህዝቦች እኩል ተጠቃሚነት ያረጋገጠና ብዝሃነትን በሚገባ ማስተናገድ የቻለ ነው።

የብሄር ብሄረሰቦችና ህዝቦች የሰላምና የዴሞክራሲ ጥያቄ በመመለስ ሁሉም ብሄሮች ለልማት እንዲተባበሩ እድል በመፍጠር ለአገሪቱ እድገት አስተዋጾኦ እያደረገ እንደሆነም ተናግረዋል።

እንደ ሚኒስትር ድኤታው ገለጻ የበዓሉ መከበር "ልዩነትን እንደ ውበት አንድነትን እንደ ጥንካሬ በመቀበል በህገ-መንግስቱ የደመቀው አንድነት ይበልጥ እየተጠናከረ እንዲሄድ ያደርጋል"።

ህገ-መንግስቱ ለአገሪቷ ሁለንተናዊ እድገት ለህዝቦቿ አስተማማኝ ሰላምና አንድነት የፈጠረ በትክክለኛ የእድገት አቅጣጫ በአዲስ የታሪክ ምዕራፍ እንድንጓዝ ያስቻለ የቃል ኪዳን ሰነድ ነው ያሉት አቶ መሃሙዳ።

የመስሪያ ቤቱ ሰራተኞች የተጀመረው የህዳሴ ጉዞ እንዲሳካ ህገ-መንግስቱ ያጎናጸፋቸውን መብት ተጠቅመው  ከመንግስት ጎን በመቆም በስራቸው የበኩላቸውን እንዲወጡ ጥሪ አቅርበዋል።

የታላቁ የኢትዮጵያ ህዳሴ ግድብ ግንባታ ማስተባበሪያ ብሄራዊ ምክር ቤት ጽህፈት ቤት የሚዲያና ኮሙኒኬሽን ባለሙያ አቶ ሃይሉ አብርሃም በበኩላቸው ለታላቁ የህዳሴ ግድብ ግንባታ የህብረተሰቡ ድጋፍ ተጠናክሮ መቀጠሉን ገልጸዋል።

ባለሃብቶችም ከቦንድ ግዥ ባለፈ ለ8100 ለአጭር የSMS ሽልማት የሚውሉ የመኪና፣ የሞተር ሳይክልና ሌሎች ቁሳቁሶችን ድጋፍ እያደረጉ መሆኑን ተናግረዋል።

የህዳሴው ግድብ በአሁኑ ወቅት 41 በመቶ  ያህል መጠናቀቁንም ጠቁመዋል።

የሚኒስቴሩ ሰራተኞች በበኩላቸው ግድቡ እስከሚጠናቀቅ ድጋፋቸውን አጠናክረው እንደሚቀጥሉ አረጋግጠዋል።

Rate this item
(0 votes)

Leave a comment

Make sure you enter the (*) required information where indicated. HTML code is not allowed.

የኢትዮጵያ ዜና አገልግሎት የሀገር ውስጥና የውጭ ሀገር ወቅታዊ ዜናዎችን ዘግቦ ለዜና ማሰራጫ አካሎች በድምፅ, በምስልና ተንቀሳቃሽ ቪዲዮ ለህብረተሰቡ እንዲደርስ ያሰራጫል።

ኢዜአ መግቢያ

0000013040
TodayToday2525
YesterdayYesterday1522
This_WeekThis_Week5313
This_MonthThis_Month12867
All_DaysAll_Days13040