አርዕስተ ዜና

የኢ-ቪዛ አገልግሎቱ የአገሪቷን ንግድ፣ ቱሪዝምና ኢንቨስትመንት መስኮች ያነቃቃል Featured

16 Jun 2017
204 times

አዲስ አበባ ሰኔ 9/2009 በኢትዮጵያ የተጀመረው የኢንተርኔት ቪዛ አገልግሎት ወደ አገሪቱ የሚመጡ ኢንቬስተሮችና ቱሪስቶች ፈጣን አገልግሎት እንዲያገኙ በማስቻል የንግድ፣ ቱሪዝምና ኢንቨስትመንት ዘርፎች ላይ መነቃቃት እንደሚፈጥር ተገለፀ።

የኢንተርኔት ቪዛ አገለግሎቱን የኢትዮጵያ አየር መንገድና የኢሚግሬሽንና የዜግነት ጉዳዮች መምሪያ በጋራ አዘጋጅተውታል።

የኢትዮጵያ አየር መንገድ ዋና ስራ አስፈጻሚ አቶ ተወልደ ገብረማሪያም አገሪቷ በቱሪስት መስህቦች የበለጸገች ብትሆንም በሎጂስቲክ ቅልጥፍና ማነስ ምክንያት ማግኝት የሚገባትን ገቢ እያገኝች እንዳልሆነ ጠቁመዋል።

''በመሆኑም የአገልግሎቱ መጀመር አገሪቱን በአፍሪካ ተመራጭ የቱሪስት መዳረሻ ለማድረግ የሚደረገውን ጥረት በከፍተኛ ሁኔታ ይደግፋል" ብለዋል።

አገልግሎቱን ለማመልከት፣ በክሬዲት ካርድ አማካኝነት ተገቢውን ክፍያ ለመክፈልና የቪዛ ፈቃድ ለማግኘት በተከፈተ አንድ ድረ ገጽ አማካኝነት ይሰጣል።

ፎርሙን ሞልተው ተቀባይነት ያገኙ አመልካቾችም ተቀባይነት ማግኘታቸውን የሚያሳይ መልእክት የሚደርሳቸው ሲሆን አዲስ አበባ ቦሌ አየር መንገድ እንደደረሱም ቪዛቸው ተዘጋጅቶ ይጠብቃቸዋል።

ኢትዮጵያ የተለያዩ ዓለም አቀፍ ሽልማቶችን ያገኘ አየር መንገድ ባለቤት ስትሆን ባለፉት ሰባት ዓመታት በዘርፉ በአማካይ የ25 በመቶ እድገት አስመዝግባለች።

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

የውጭ ምንዛሪ መቀየሪያ