አርዕስተ ዜና

ለኢትዮጵያ እግር ኳስ ፌዴሬሽን ስራ አስፍጻሚ ምርጫ 16 ዕጩዎች ቀረቡ

05 Dec 2017
900 times

አዲስ አበባ ህዳር 26/2010 በኢትዮጵያ እግር ኳስ ፌዴሬሽን ለሚካሄደው ፕሬዚዳታዊና ስራ አስፍጻሚዎች ምርጫ 21 ሰዎች በእጩነት ቀርበዋል።

በፌደሬሽኑ ጠቅላላ ጉባኤ ወቅት ህዳር 1 ቀን 2010 ዓ.ም  ይደረጋል ተብሎ የነበረው የኢትዮጵያ እግር ኳስ ፌዴሬሽን ፕሬዚዳታዊና ስራ አስፈጻሚ ምርጫ  ቅድመ ሁኔታዎች ትክክለኛነት ይጎላቸዋል በሚል እንዲራዘም መደረጉ ይታወቃል።

ይህን ተከትሎም ምርጫው ታህሳሰ አጋማሽ ላይ በአፋር ክልል ሰመራ ከተማ እንዲደረግ መወሰኑና የጉባኤው አባላት አስቸኳይ ጠቅላላ ጉባኤ በማካሄድ አስመራጭ ኮሚቴ መመረጣቸው ይታወሳል።

የምርጫ ጊዜው ሲራዘም ክልሎች አንድ አንድ እጩ ብቻ እንዲያቀረቡ የሚለውን በማስተካከል ከአንድ በላይ ስራ አስፈጻሚዎች መቅረብ እንደሚችሉ ነው የተገለጸው።

ይህ ተከትሎም በቀጣዮቹ አራት ዓመታት ፌዴሬሽኑን በእጩ ስራ አስፈጻሚነት የሚወዳደሩት ሰዎች ቁጥር ከ11 ወደ 16 ከፍ ያለ ሲሆን በሰመራው ጉባኤ ከ16ቱ ውስጥ 10 ስዎች ለስራ አስፈጻሚነት ይመረጣሉ።

በእጩ ስራ አስፈጻሚት ከቀረቡት 16 ስዎች መካከል አቶ ዮሴፍ ተስፋው፣ኢንጀነር ኃይለእየሱስ ፍስሀና አቶ አስራት ኃይሌን የአዲስ አበባ ከተማ አስተዳደር ቀርበዋል።

የትግራይ ክልል እግር ኳስ ፌዴሬሽን  ደግሞ ኮለኔል አወል አብዱራሂምና አቶ ወልደ ገብርኤል መዝገቡን  ሲያቀርብ ከደቡብ ከልል አቶ ዘሪሁን ቀቀቦን አቅርበዋል።

የአማራ ክልል እግር ኳስ ፌዴሬሽን ደግሞ አሰልጣኝ ሰውነት ቢሻውና ዶክተር ሲራክ ሀብተማሪያምን በእጩ ስራ አስፈጻሚነት አቅርቧል።

የኦሮሚያ ክልል እግር ኳስ ፌዴሬሽን  ዶክተር ሀይሌ ኢቲቻ እና አቶ ከማል ሁሴንን በእጩነት አቅርቧል።

አቶ አበበ ገላጋይ ከድሬድዋ ከተማ አስተዳደር ፣ዶክተር ቻን ጋትኮት ከጋምቤላ አቶ አሊሚራህ መሀመድ ከአፋር ክልል፣ወይዘሮ ሶፊያ አልማሙን ከቤኒሻንጉል ጉምዝና አቶ አብዱረዛቅ ሀሰን ከሶማሌ ክልል በእጩ ስራ አስፈጻሚነት የቀረቡ ዕጩዎች ናቸው።

በቀጣዮቹ አራት ዓመታት ፌዴሬሽኑን በፕሬዚዳንት ለመምራት በፊት ከቀረቡት እጩዎች መካከል የኦሮሚያ ክልል በእጩ ፕሪዚዳትነት ባቀረበው በአቶ አንተነህ ፈለቀ ቦታ አቶ ኢሳያስ ጂራን ማቅረቡ አይዘነጋም።

ሌሎች ክልልች ጋር የበፊቶቹን እጩዎች  ያቀረቡ ሲሆኑ ዶክተር አሸብር ወልደጊዮጊስ ከደቡብ ክልል፣አቶ ተካ አስፋው ከአማራ ክልልና አቶ ዳግም መላሼን ከጋምቤላ ክልል በእጩ ፕሪዚዳንትነት  ቀርበዋል።

አሁን ላይ የፌዴሬሽኑ ፕሪዚዳነት የሆኑት አቶ ጁነዲን ባሻ በድጋሚ  ለቀጣዩ አራት ዓመት እንዲመሩ ድሬድዋ ከተማ አስተዳድር በእጩነት አቅርቧቸዋል።

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ መቀየሪያ