አርዕስተ ዜና
×

Warning

JUser: :_load: Unable to load user with ID: 452

የመቀሌ ዩኒቨርስቲ በሚያዘጋጀው የስፖርት ውድድር በበጎ ፍቃድ ለሚሰማሩ ወጣቶች ስልጠና ተሰጠ

14 Nov 2017
1391 times

መቀሌ ህዳር 5/2010 የመቀሌ ዩኒቨርሲቲ በሚያዘጋጀው የአፍሪካ ዩኒቨርሲቲዎች የስፖርት ውድድር ላይ ነጻ አገልግሎት እንዲሰጡ ለተመለመሉ ከ1ሺህ በላይ በጎ ፈቃደኛ ወጣቶች ስልጠና መስጠቱን አስታወቀ፡፡

የዩኒቨርሲቲው  የተማሪዎች አገልግሎት ዳይሬክተርና የውድድሩ አስተባባሪ ዶክተር ከሳቴ ለገሰ እንዳሉት ከሰኔ 24 እስከ ሰኔ 30 ቀን 2010 ዓ.ም የመቀሌ ዩኒቨርሲቲ በሚያዘጋጀው የአፍሪካ ዩኒቨርሲቲዎች የስፖርት ውድድር ላይ 7ሺህ ስፖርተኞች ይሳተፋሉ፡፡

ለስፖርተኞቹ  የመስተንግዶ አገልግሎት የሚሰጡ ከ1ሺህ በላይ ወጣቶች ተመልምለው የተለያዩ ስልጠናዎችን እንዲያገኙ እየተደረገ መሆኑን ገልፀዋል፡፡

ወጣቶቹ እንግዶችን በመቀበልና በማስተናገድ አምባሳደር ሆነው እንዲያገለግሉ  ዓለም አቀፍ እውቅና ባላቸው የደቡብ ኮሪያ ባለሙያዎች አማካኝነት በበጎ አደራጎት ፅንሰ ሃሳብና ተግባር ላይ ያተኮረ የሁለት ቀን ስልጠና እንደተሰጣቸው ተናግረዋል፡፡

በእንግዳ አቀባበል ስነ ስርዓትና በመጀመሪያ ህክምና አገልግሎት አሰጣጥ ላይ መሰልጠናቸውንም አሰልጥነዋል።

የዩኒቨርሲቲው  ምክትል ፕሬዝዳንት ዶክተር ዓብደልቃድር ከድር እንደገለፁት ወጣቶቹ በፈቃዳቸውና በራሳቸው  ተነሳሽነት  በውድድሩ ለሚሳተፉ እንግዶች  አገልግሎት ለመስጠት መዘጋጀታቸው የሚበረታታ ነው ።

"ወጣቶቹ በነፃ ለማገልገል ያሳዩት ተነሳሽነት  ለሌሎች ወጣቶች አርአያ የሚሆን ተግባር ነው"  ብለዋል።

በደቡብ ኮሪያ የወጣቶች አለም  አቀፍ በጎ ፈቃደኞች ልኡካን አስተባባሪ ዶክተር ዩቦንገ ቹንግ  በበኩላቸው ስልጠናው ወጣቶች በስነልቦና ዝግጁ ሆነው  በፈቃዳቸው ነፃ አገልግሎት በመስጠት የሃገራቸውና የህዝባቸውን ፍቅር እንዲያዳብሩ አቅም የሚፈጥር መሆኑን ተናግረዋል።

የደቡብ ኮሪያ ዓለም  አቀፍ የወጣቶች በጎ አድራጎት ድርጅት እንደ አውሮፓውያን አቆጣጠር በ2015 በደቡብ  ኮሪያ በተዘጋጀው የዓለም  ዩኒቨርሲቲዎች ስፖርታዊ ውድድር ከ8ሺህ በላይ በጎፈቃደኛ ወጣቶችን በማሰልጠን ውድድሩ የተሳካ እንዲሆን አድርጎታል የበጎ አድራጊ ድርጅት ።

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ መቀየሪያ