አርዕስተ ዜና

የዓለም ሻምፒዮና ተሳታፊ አትሌቶች በዚህ ሳምንት ስልጠና ይጀምራሉ

13 Jun 2017
374 times

አዲስ አበባ ሰኔ 6/2009 በኔዘርላንድስ ሄንግሎ በተካሄደው የሠዓት ማሟያ ውድድር እስከ አራተኛ ደረጃ የያዙ አትሌቶች በዓለም ሻምፒዮና ውድድር ለመሳተፍ ከነገ በስቲያ ልምምድ ይጀምራሉ።

የኢትዮጵያ አትሌቲከስ ፌደሬሽን የሄንግሎ የሠዓት ማሟያ፣ የዓለም አቀፍ፣ የአህጉርና አገር አቀፍ ውድድሮች ላይ እየተደረገ ባለው ዝግጅት ዙሪያ መግለጫ ሰጥቷል።

የፌዴሬሽኑ ምክትል ፕሬዚዳንት አትሌት ገብረእግዚአብሄር ገብረማሪያም እንደገለፀው በዓለም ሻምፒዮና ውድድር የሚሳተፉ አትሌቶች  ከመጪው ሐሙስ ጀምሮ ሆቴል በመግባት ልምምዳቸውን ይጀምራሉ።

በማራቶን ውድድር አገሪቱን ወክለው በዓለም ሻምፒዮና የሚካፈሉ አትሌች ተመርጠው ስልጠና እየተሰጣቸው ነው።

ከነገ በስቲያ ደግሞ በሄንግሎ የሠዓት ማሟያ ውድድር የሶስት ሺህ መሰናክልን ጨምሮ ከስምንት መቶ እስከ 10 ሺህ ሜትር ሩጫ ውድድር ተሳትፈው እስከ አራተኛ የወጡ አትሌቶች ሆቴል ይገባሉ ብሏል።

የፌዴሬሽኑ የስፖርት ማልማትና ማስፋፋት ዓብይ የስራ ሂደት መሪ አቶ ዱቤ ጅሎ በበኩላቸው በሄንግሎ የተካሄደው የሠዓት ማሟያ ውድድር ስኬታማ እንደነበር ገልፀዋል።

በሠዓት ማሟያ ውድድሩ ከተሳተፉት 55 አትሌቶች መካከል 35ቱ ሚኒማውን ማሟላት እንደቻሉም ተናግረዋል።

በውድድሩ ሚኒማውን ያሟሉት አትሌቶች ቁጥር ከፍተኛ ሲሆን በሠዓት ደረጃም ፈጣን የሚባሉ ውጤቶች የተመዘገቡበት በመሆኑ ውድድሩን ስኬታማ ያስብለዋል ብለዋል።

ይሁን እንጂ ሄንግሎ ላይ በነበረው የሠዓት ማሟያ ውድድር በ800 ሜትር ከተወዳደሩት ወንድ አትሌቶች መካከል አንድም አትሌት ሚኒማውን ማሟላት አልቻለም።

አትሌቶቹ በቀጣይ ውድድሮች ሚኒማውን ሊያሟሉ ስለሚችሉ ካሟሉት አትሌቶች ጋር ሆቴል ገብተው ስልጠና የሚያገኙ ይሆናል ተብሏል።

 

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

የውጭ ምንዛሪ መቀየሪያ