አርዕስተ ዜና

የክልሎች ከ20 ዓመት በታች የቼዝ ሻምፒዮና በወጣቶች አካዳሚ እየተካሄደ ነው

17 Feb 2017
388 times

አዲስ አበባ የካቲት 10/2009 የክልሎች ከ20 ዓመት በታች የቼዝ ሻምፒዮና ውድድር በኢትዮጵያ ወጣቶችና ስፖርት አካዳሚ እየተካሄደ ነው።

ውድድሩ ሁሉንም ክልሎችና ሁለት ከተማ አስተዳደሮች የሚያሳትፍ ቢሆንም የተገኙት አራት ክልሎችና ሁለቱ ከተማ አስተዳደሮች ብቻ ናቸው።

ትግራይ፣ አማራ፣ ደቡብና ኦሮሚያ ክልሎች እንዲሁም አዲስ አበባና ድሬዳዋ አስተዳደሮች በውድድሩ እየተሳተፉ ነው።

ትናንት በ20 ሴትና 30 ወንድ ተወዳዳሪዎች የተጀመረው ሻምፒዮናው ነገ ፍጻሜውን የሚያገኝ ሲሆን ታዳጊ ስፖርተኞችን ማፍራትና የልምድ ልውውጥን ዓላማ ያደረገ ነው።

ይህ በእንዲህ እንዳለ ለሁሉም ተሳታፊዎች ክፍት የሆነ የግል የቼዝ ሻምፒዮና ውድድር በመጪው ሰኞ በአካዳሚው ይካሄዳል።

ውድድሩ በሁለቱም ጾታ ኢትዮጵያን ወክሎ በምስራቅ አፍሪካ የቼዝ ሻምፒዮና ላይ የሚካፈለው ብሔራዊ ቡድን ተወዳዳሪዎች የሚመረጡበት ነው።

ኢትዮጵያ 'የአፍሪካ ዞን አራት ነጥብ ሁለት' በመባል የሚታወቀውን የቼዝ ውድድር በመጪው መጋቢት 2009 ዓ.ም በኦሮሚያ ክልል ጅማ ከተማ እንደምታስተናግድ የኢትዮጵያ ቼዝ ፌዴሬሽን አስታውቋል።

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

<!-Foreign Exchange Rates widget - HTML code - fx-rate.net -->

<!-end of code-->

የውጭ ምንዛሪ መቀየሪያ