አርዕስተ ዜና

"የኛ" በሴቶች የአስተሳሰብ ለውጥ ለማምጣት የጀመረው ሥራ ተጠናክሮ ይቀጥላል-ኢመርጅ ማንጎ

11 Jan 2017
113 times

አዲስ አበባ ጥር 3/2009 ኢትዮጵያ ውስጥ በወጣት ሴቶች ዙሪያ የአስተሳሰብ ለውጥ ለማምጣት የሚሰራውን ሥራ አጠናክሮ እንደሚቀጥል "የኛ" የተሰኘው የሬዲዮ ፕሮግራም አዘጋጅ ኢመርጅ ማንጎ ገለጸ።

"የኛ" በወጣት ሴቶች ዙሪያ የአስተሳሰብ ለውጥ ማምጣትን ታሳቢ አድርጎ የሚሰራ የሬዲዮ ፕሮግራም ነው።

የድርጅቱ ማኔጂንግ ዳይሬክተር ወይዘሮ ሰሎሜ ታደሰ እንደገለጹት በቅርቡ "የኛ"ን ፕሮግራም በአገር አቀፍ ደረጃ እንዲሰራጭ በማድረግ ለሁሉም ተደራሽ እንዲሆን ይደረጋል።

በዚህም በወጣት ሴቶች ዙሪያ ያሉ አመለካከቶች፣ እምነቶችና ምግባሮች ላይ ሃሳቦች እንዲንሸራሸሩና ወጣት ሴቶች ለማኅበረሰባቸው አዎንታዊ አስተዋጽኦ እንዲያበረክቱ እገዛ ይኖረዋል ብለዋል።

"የኛ" ሥራውን ከጀመረ አንስቶ በአጋርነት ሲሰሩ ከነበሩት መካከል አንዱ የሆነው የእንግሊዝ ዓለም ዓቀፍ የልማት ድርጅት ትብብሩን ማቋረጡን ባለፈው ዓርብ ይፋ ማድረጉ ይታወሳል።

ድርጅቱ ውሳኔውን የሚያከብር እንደሆነ ገልጾ በሴቶች ዙሪያ የአስተሳሰብ ለውጥ ለማምጣት የተጀመረው ሥራ ግን ተጠናክሮ እንደሚቀጥል ዳይሬክተሯ ገልጸዋል።

በቀጣይም የታቀዱ ሥራዎች ሳይሰተጓጎሉ እንደሚቀጥሉና ለዚህም ፍላጎቱ ካላቸው የአገር ውስጥና ዓለም ዓቀፍ ተቋማት ጋር በቅርበት እንደሚሰራ ተናግረዋል።

 

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

የውጭ ምንዛሪ መቀየሪያ