አርዕስተ ዜና

ድርጅቱ የህዝቡን የልማት ጥያቄ ለመመለስ የሚያደርገውን ጥረት እንደሚደግፉ የአጋሮ ከተማ ነዋሪዎች ገለጹ

19 Mar 2017
146 times

ጅማ  መጋቢት  10/2009 የኦሮሞ ህዝብ ዴሞክራሲያዊ ድርጅት (ኦህዴድ) በጥልቅ ተሀድሶ ውቅት ህዝቡ ያነሳውን የልማት ጥያቄ ለመመለስ የሚያደርገውን ጥረት እንደሚደግፉ የአጋሮ ከተማ አንዳንድ  ነዋሪዎች ገለጹ፡፡

የድርጅቱ 27ኛው ዓመት የምስረታ በዓል በአጋሮ ከተማ የልማት ስራዎችን በመጎብኘትና በፅዳት ዘመቻ ማክበር ተጀምሯል፡፡ 

በጉብኝቱና በጽዳቱ ላይ  ከተሳተፉት ነዋሪዎች መካከል ወይዘሮ ሜሮን ሃሰን  በሰጡት አስተያየት የከተማው ጽዳት ቅንጅትን የሚጠይቅ ሥራ በመሆኑ  ጽዳቱን ለማስጠበቅ የሚያደርጉትን ተሳትፎ እንሚቀጥሉበት ገልጸዋል፡፡

ለድርጅቱ ያላቸውን አጋርነት ለማሳየት የልማት ስራዎች በመጎብኛትና በጽዳት ዘመቻ  በዓሉን እያከበሩ መሆናቸውን ተናግረዋል፡፡

አቶ ሙዲን አባፊጣ የተባሉት ነዋሪ እንዳሉት  በከተማው በአጭር ጊዜ ውስጥ  የተገነባው የጠጠር መንገድ በቀጣይ ሌሎችንም የልማት ስራዎች በተመሳሳይ ለውጤት ማብቃት እንደሚቻል የሚያመለከት ነው፡፡

"የጠጠር መንገድ ከተሰራ በኋላ የትራንስፖርት አገልግሎት በቀላሉ ማግኘት በመቻላችን ውጣ ውረድን በማስቀረት  ጊዜያችንን ለመቆጠብ አስችሎናል" ያሉት ደግሞ የከተማው ዜሮ አራት ቀበሌ ነዋሪ  አቶ ጀሃድ አባዱራ ናቸው፡፡

በቀጣይም  በዓል የሚያከብሩት ኦህዴድ የሚመራው መንግስት የህዝቡን ጥያቄ ለመመለስ የሚያካሄዳቸውን የልማት ስራዎች በጥራትና በፍጥነት እንዲፈጸሙ የሚያደርገውን ጥረት በመደገፍ የድርሻቸውን እንደሚወጡ ነዋሪዎቹ ተናግረዋል፡፡

የአጋሮ ከተማ አስተዳር ኦህዴድ ጽህፈት ቤት  ተጠሪ አቶ ነዚፍ መሀመድ አሚን " በዓሉን በማስመልከት የተጀመረው የመስረተ ልማት ጉብኝትና የየፅዳት ዘመቻ ከተማዋን ውብ እና ጽዱ ለማድረግ  በነዋሪው ዘንድ መነቃቃትን ለመፍጠር ያለመ ነው" ብለዋል፡፡

ባለፉት  27 ዓመታት በኦህዴድ መሪነት በርካታ ልማቶች የተከናወኑ ቢሆንም  በነበሩ ከፍተቶች ህዝቡ ጥያቄ እንዲያነሳ ምክንያት መሆኑን የተናገሩት ደግሞ የከተማው ማዘጋጃ ቤት ሃላፊ አቶ ኤሊያስ ሸረፉ ናቸው፡፡

እንደከተማው በቀጣይ የህዝብን የልማት ጥያቄ ለመመለስ የሚደረገው ጥረት ተጠናክሮ እንደሚቀጠልም አመልክተዋል፡፡

 

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

የውጭ ምንዛሪ መቀየሪያ