አርዕስተ ዜና

ዘላቂ የአካባቢ ጥበቃና የደን ልማት አጠቃቀምን ለማረጋገጥ ወቅታዊ መረጃ ለህብረተሰቡ ማድረስ እንደሚገባ ተገለፀ Featured

02 Jan 2017
1420 times

አዳማ ታህሳስ 24/2009 ዘላቂ የአካባቢ ጥበቃና የደን ልማት አጠቃቀምን ለማረጋገጥ ለሚደረገው ጥረት ስኬታማነት ወቅታዊ መረጃ ለህብረተሰቡ ማድረስ እንደሚገባ የአካባቢ፣ ደንና የአየር ንብረት ለውጥ ሚኒስትር አስታወቁ።

ሚኒስቴሩ ለመገናኛ ብዙሃንና ኮምዩኒኬሽን ባማለሙያዎች ያዘጋጀው የግንዛቤ ማስጨበጫ ስልጠና ዛሬ በአዳማ ከተማ ተጀምሯል።

በመድረኩ ላይ የአካባቢ፣ ደንና የአየር ንብረት ለውጥ ሚኒስትሩ ዶክተር ገመዶ ዳሌ እንዳስታወቁት ዘላቂ ልማትን እውን ለማድረግ እያንዳንዱ የልማት ፕሮጀክት ፕሮግራም ኢኮኖሚን የሚያሳድግና ማህበራዊ ኑሮን የሚያሻሽል ሆኖ ሊቀረጽ ይገባል።

እንዲሁም ሁሉም የልማት ስራ አካባቢን በመጠበቅና የአካባቢ ስርዓተ ምህዳሩን መሰረት ባደረገ መልኩ ተቀርጾ እንዲተገበር የዓለም መንግስታት ከተግባቡባቸው ጭብጦችና አቅጣጫዎች ውሰጥ ዋነኛው መሆኑን ጠቅሰዋል።

በተለይ ኢትዮጵያ ያጸደቀቻቸውን የአየር ንብረት ለውጥ ስምምነት ማዕቀፍ፣ የብዝሀ ሕይወት ኮንቬንሽን፣ በረሃማነትንና የመሬት መከላትን መከላከል ስምምነቶች በተቀናጀና ሚዛናዊ በሆነ አግባብ መተግበር ወሳኝ መሆኑን ዶክተር ገመዶ አስታውቀዋል።

ከዚህ አንፃር ያለው የግንዛቤ ክፍተትና የትኩረት ልዩነት በአግባቡ ሊጤንና ሊስተካከል እንደሚገባ ሚኒስትሩ አመልክተዋል።

በተለይ ዘላቂ የአካባቢ ጥበቃና የደን ልማት አጠቃቀምን በሀገሪቱ ለማረጋገጥ በሚደረገው እንቅስቃሴ ውሰጥ የሚዲያና የኮምዩኒኬሽን አካላት ወቅታዊና ትክክለኛ መረጃ ለህብረተሰቡ በማድረስ ወሳኝ ሚናቸውን እንዲወጡ ጠይቀዋል።

የሕዝብ ሀብት የሆነውን መረጃ ተደራሽ ባለማድረግ የሚከሰተውን ክፍተት በማጥበብ ግንዛቤ የሚፈጠርበት ሁኔታ  በማስፈለጉ ለሚዲያና ኮምዩኒኬሽን አካላት መድረኩ መዘጋጀቱን አስታውቀዋል።

በመሆኑም የመድረኩ ተሳታፊዎች በሚቀርቡ የግንዛቤ ማሳደጊያ ፅሁፎች ላይ የተጠናከረ ውይይትና ተሳትፎ እንዲያደርጉ ሚኒስትሩ አሳስበዋል።

ለሦስት ቀናት በተዘጋጀው በዚሁ መድረክ ላይ በየደረጃው የሚገኙ የመገናኛ ብዙሃን፣ የኮምዩኒኬሽንና የህዝብ ግንኙነት የሥራ ኃላፊዎችና ባለሙያዎች በመሳተፍ ላይ ናቸው፡፡

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

<!-Foreign Exchange Rates widget - HTML code - fx-rate.net -->

<!-end of code-->

የውጭ ምንዛሪ መቀየሪያ