አርዕስተ ዜና

በመቀሌ ኢንዱስትሪ ፓርክ የሥራ ዕድል ተጠቃሚ የሚሆኑ 10 ሺህ ወጣቶች ተመለመሉ Featured

12 Aug 2017
130 times

መቀሌ ነሀሴ 6/2009 በመቀሌ ኢንዱስትሪ ፓርክ በመጀመሪያ ዙር የሥራ ዕድል ተጠቃሚ የሚሆኑ 10 ሺህ ወጣቶች ምልመላ ተካሄደ።

የትግራይ ክልል አነስተኛና መካከለኛ ማኑፋክቸሪንግ  ኢንዱስትሪ ኤጀንሲ ኃላፊ አቶ ጥላሁን ታረቀ በሰጡት መግለጫ በቅርቡ በተመረቀው ኢንዱስትሪ ፓርክ የሥራ ዕድል ተጠቃሚ የሚሆኑ ወጣቶችን የመለየት ሥራ ተከናውኗል።

በመጀመሪያ ዙር የተመለመሉት ወጣቶች በክልሉ ከሚገኙ 52 ወረዳዎች የተውጣጡ መሆናቸውንም ጠቁመዋል።

የምልመላ መመዘኛውን አልፈው የተመረጡ ወጣቶች በተያዘው ወር በዘርፉ ሙያዊ ስልጠና ተሰጥቷቸው ወደ ሥራ እንዲገቡ ይደረጋል።

ከእዚህ በተጨማሪ በመልካም ስነ- ምግባር ፣ በሥራ ባህልንና ተያያዥ በሆኑ ጉዳዮች ግንዛቤያቸውን የማሳደግ ሥራ በኤጀንሲው በኩል እንደሚሰራ ኃላፊው ገልጸዋል።

በሁለተኛው ዙር የስልጠና መርሃግብርም በሚሰማሩባቸው የሥራ ዘርፎች በቴክኒክ ሙያ ክህሎት ያተኩሩ ስልጠናዎችን እንዲያገኙ ይደረጋል።

በፓርኩ ውስጥ በሚገኙ ባለሃብቶች በተለይ በጨርቃ ጨርቅና አልባሳት ዘርፍ በማሽን ኦፕሬተርነት፣ በልብስ ቅድና ስፌት፣ በዲዛይን ስራና በሌሎች ዘርፎች ተጨማሪ ስልጠና እንደሚሰጣቸው አመልክተዋል።

የመቀሌ የጨርቃጨርቅና አልባሳት ኢንዱስትሪ ፓርክ ባለፈው ሐምሌ ወር መጀመሪያ የግንባታ ሥራው ተጠናቅቆ በጠቅላይ ሚኒስትር ኃይለማሪያም ደሳለኝ በይፋ መመረቁ ይታወሳል።

ፓርኩ በ75 ሄክታር መሬት ላይ ያረፈ ሲሆን 100 ሚሊዮን የአሜሪካን ዶላር ወጪ ተደርጎበታል።

ፓርኩ ሙሉ በሙሉ ተጠናቅቆ ወደ ማምረት ሥራ ሲገባ 20 ሺህ ለሚሆኑ ሰዎች አዲስ የሥራ ዕድል እንደሚከፍት የፌደራል ኢንቨስትመንት ኮሚሽን ምክትል ኮሚሽነር አቶ አበበ አባባዮሁ በምረቃው ወቅት መግለጻቸው ይታወሳል።

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

<!-Foreign Exchange Rates widget - HTML code - fx-rate.net -->

<!-end of code-->

የውጭ ምንዛሪ መቀየሪያ