አርዕስተ ዜና

የኢትዮጵያ ምርት ገበያ ባለስልጣን ተጠሪነት ወደ ንግድ ሚኒስቴር ተዛወረ Featured

21 Apr 2017
401 times

አዲሰ አበባ ሚያዝያ 13/2009 የሚኒስትሮች ምክር ቤት የኢትዮጵያ ምርት ገበያ ባለስልጣን ተጠሪነት ወደ ንግድ ሚኒስቴር እንዲዛወር ወሰነ።

ምክር ቤቱ ዛሬ ባካሄደው 27ኛ መደበኛ ጉባዔ በሁለት አዋጆችና ሶስት ደንቦች ላይ ተወያይቶ ውሳኔ አሳልፏል።

የኢትዮጵያ ምርት ገበያ ባለስልጣን ተጠሪነት የተቀየረበት ዋነኛ ምክንያትም ባለስልጣን መስሪያ ቤቱን ከጉዳዩ ጋር አግባብ ካላቸው የዘርፉ መስሪያ ቤቶች ጋር ለማቀናጀት እንዲያመች መሆኑ ተገልጿል።

እንዲሁም የኢትዮጵያ ምርት ገበያና የኢትዮጵያ ኢንዱስትሪ ፓርኮች ልማት ኮርፖሬሽን ካፒታልን ለማሳደግ የቀረበውን ጥያቄ የተቀበለ ሲሆን ለማሻሻያ የቀረቡ ረቂቅ ደንቦች በነጋሪት ጋዜጣ ታትመው እንዲወጡና በስራ ላይ እንዲውሉ ወስኗል።

ምክር ቤቱ የኢትዮጵያ ግብርና ምርቶች መጋዘን አገልግሎት ድርጅት ፈርሶ የድርጅቱ አገልግሎት ከግብይት ስራ ጋር ተጨምሮ መብትና ግዴታው ለኢትዮጵያ ምርት ገበያ እንዲተላለፍ ወስኗል።

ይህም በግብይት ሰንሰለት ላይ የሚታዩ የተጋነኑ ወጪዎችን ለማስቀረትና የአይ ሲ ቲ መሠረተ ልማትን በጋራ በመጠቀም የገበያ መረጃ ቅብብሎሽን ለማሳለጥ ከፍተኛ ሚና እንደሚኖረው ተጠቁሟል።

ምክር ቤቱ በመጨረሻም የብሔራዊ ስነልክ ኢንስቲትዩት የሚሰጣቸው አገልግሎቶች የክፍያ ተመን ረቂቅ ደንብን ተመልክቷል።

በዚህ ስራ ላይ የሚሰማሩ ባለሙያዎች የብቃት ማረጋገጫ መስጠትና የልኬት መሳሪያዎቹን በየጊዜው በመፈተሽ ጤናማ የንግድ ስርዓት እንዲኖር እንደሚያግዝ ነው የጠቆመው።

በዚህም መሠረት ረቂቅ ደንቡ በነጋሪት ጋዜጣ ታትሞ እንዲወጣና በስራ ላይ እንዲውል መወሰኑን ለኢዜአ በላከው መግለጫ አስታውቋል።

 

ኢዜአ ፎቶ እይታ

በማህበራዊ ድረገፅ ይጎብኙን

 

የውጭ ምንዛሪ

የውጭ ምንዛሪ መቀየሪያ