የጽህፈት ቤቱ ኃላፊ አቶ ገረመው ገብረፃድቅ ዛሬ ለኢትዮጵያ ዜና አገልግሎት እንዳስታወቁት ለመራጭነት ይመዘገባል ተብሎ ከሚጠበቀው ከ7 ነጥብ 9 ሚሊዮን በላይ ህዝብ ውስጥ ከ6 ሚሊዮን 613ሺህ በላይ የሚሆነው ተመዝግቦ የመራጭነት ካርዱን በእጁ አስገብቷል ።

በክልሉ በ138 የምርጫ ክልሎች ስር በተቋቋሙ 11ሺህ 225 የምርጫ ጣቢያዎች ቀርበዉ ከተመዘገቡትና የመራጭነት ካርድ ከወሰዱት መካከል ከ3 ነጥብ 2 ሚሊዮን የሚበልጡት ሴቶች መሆናቸውንም አስረድተዋል ።

በሌላ በኩል የብሄረ አማራ ዴሞክራሲያዊ ንቅናቄን /ብአዴንን/ ጨምሮ 15 የፖለቲካ ፓርቲዎች 986 እጩዎችን ለተወካዮችና ለክልል

ምክር ቤቶች ማስመዝገባቸዉን አቶ ገረመዉ አስታዉቀዋል ።

ከእነዚህም መካከል 389 ለተወካዮች ምክር ቤት፣ 597ቱ ደግሞ ለክልል ምክር ቤት የሚወዳደሩ ሲሆን በተጨማሪ በግል ለመወዳደር 997 ዕጩዎች መመዝገባቸዉን አስታዉቀዋል ።

ሪፖ 10፡00 ከ11፡20 - 11፡35 ጠሰድ = 00፡15 ጥአጥ

---END---